فيكريندن گئجه لر ياتا بيلميرم
بو فيكري باشيمدان آتا بيلميرم
دئييرم چون سنه چاتا بيلميرم
آيريليق، آيريليق، آمان آيريليق
هر بير دردن اولار يامان آيريليق
بيلميرم من گئديم هارا گئجه لر
ووروبدور قلبيمه يارا گئجه لر
آيريليق، آيريليق، آمان آيريليق
هر بير دردن اولار يامان آيريليق
فرياده گلين نازلي نگاريم گئدير الدن
رفتاري گوزل نطقي گوزل باخماسي گويچك
آهو كيمي باخديقجا قراريم گئدير الدن
حسرتله قالار گوزلريم آخير دالئسيجا
هجران يئلي اسديكجه بهاريم گئدير الدن
آواره قالان من غم عشقينده يانان من
آخير نه دييوم دار و نداريم گئدير الدن
زلفين توكوب اطرافه گيوب جامه ي زرين
آماده اولوب گئتمگه ياريم گئدير الدن
كربلا قبله ي عشقيمدي منيم
اوره گيم دفتر مشقيم دي منيم
يازارام روحيمه ريحاندي آقام
عالمين دردينه درماندي آقام
بو حسين ذكر شرافت دي منه
سوت ورنده آنام اورگتدي منه
قره پيراهنيم عزت دي منه
دييرم شاه شهيدان دي آقام
عالمين دردينه درمان دي آقام
وقتي خواستن ها بوي شهوت مي دهند
وقتي بودن ها طعم نياز دارند ...
وقتي تنهاييها بي هيچ يادي از يار... با هر كسي پر مي شوند
وقتي نگاه ها... هرزه به هر سو روانه مي شود
وقتي غريزه ... احساس را پوشش مي دهد
وقتي انسان بودن ... آرزويي دست نيافتني مي شود
ديگر نمي خواهمت ... نه تو را و نه هيچ كس ديگري را
عشقيده طوفان الدين يا حسين
عالمي حيران الدين يا حسين
آيريليقا داش آغلار
گوزلريم قان ياش آغلار
دوست دوستان آيريلاندا
آغلاسا ياواش آغلار
اولدوزلار باتماز آغلار
ياري اوياتماز آغلار
يار ياردان آيري دوشسه
گجه لر ياتماز آغلار
بير ائلي بوراندا قاردا چكه جم
بيرائلي باهاردا واردا چكه جم
بير شكيل چكه جم گوزگيله سينه
آرزيلار دوزوله سيل سيله سينه
بير باهار سالاجام قيش چيله سينه
بير لالا خونچاسين قاردا چكه جم
بير داغي چكه جم دومان ايچينده
بير ياخشي بيتره م يامان ايچينده
بير حققي دوغرولدام گومان ايچينده
شاختادا بير آغاج باردا چكه جم
بير سئلي چكه جم سارا قوينوندا
بير ائلي يارديم سيز يارا قوينوندا
بير ديلي ديلچك سيز داردا چكه جم
تيكيلي بير آغيز چكه جم بوما
بير درين باخيش كي فيكيره جوما
يوللايام شكيلين تهرانا قوما
بير ائلين يوخلوقون واردا چكه جم
بير ايشيق چكه جم اوزاقدان آتيب
بير دنيز چكه جم دنيزه باتيب
بير ائلي چكه جم مين ايلدي ياتيب
وارليغين بيلميره م هاردا چكه جم
نيله ييم ديل سيز بير باش چكه نميرم
ائليمين گوزونده ياش چكه نميرم
بو ائلين ماهني سين تاردا چكه جم
ائليمي باهاردا واردا چكه جم
شاعر:اوستاد هوشنگ جعفري
يارين بويون قوجاقلاديم، يار آغلادي من آغلاديم
ييغيشدي قونشولار بوتون جار آغلادي من آغلاديم
باشيندا قار قالان داغا، دانيشديم آيرِيليق سؤزون
بير آه چكيب باشينداكي قار آغلادي من آغلاديم
طارمدا نار آغاجلاري مني گؤروب دانيشديلار
بويومو زيتون اوخشادي نار آغلادي من آغلاديم
يؤرك سؤزون دئديم تارا ,سيملر اولدو پارا- پارا
يواش- يواش سيزيلدادي , تار آغلادي من آغلاديم
ديئديم كي حاق منيم كيدير باشيمي جكديلر دارا
طناب كسنده بوينومو دار آغلادي من آغلاديم
ايليگه اسدي بير خزان تالاندي گوللريم منيم
خبر چاتينجا بولبوله خار آغلادي من آغلاديم
«جعفريم» بويوم بالا غم سينمده قاقا- قالا
يار جانيمي آلا آلا يار آغلادي من آغلاديم.
